Albisteak

Iruñerriko Mankomunitatea eta TCC elkarlanean ari dira joan den urtarrilaren 24az geroztik Nafarroako Gobernuko Osasun Departamentuarekin, osasun zerbitzu publikoen erabilera eraginkorragoa bultzatze aldera.

“Arazoa beti berdina ez bada... irtenbidea ezta ere” goiburuarekin, erabilgarri dauden zerbitzu-aukerei buruzko informazioa eman nahi da, haiek beharren arabera eta modu arduratsuan erabil daitezen.
Eskualdeko Hiri Garraioak babesa erakutsi nahi die esparru horretan egiten diren jarduera guztiei, eta kausa hori zabaltzen ere lagundu nahi du.

Ibilgailuen flotan jada badauden sei autobus hibridoei hiru gehitu zaizkie gaur

Mankomunitateak eta TCC enpresak (Transports Ciutat Comtal) balantze positiboa egin dute autobus hibridoek zerbitzua eman duten lehen urteaz –lau ibilgailu sartu ziren flotan 2015eko uztailean, eta beste bi 2016ko uztailean–, kontsumoak murriztu direla egiaztatu eta gero. Hedabideen aurrean egin duten ekitaldian, Iruñerriko Mankomunitateko lehendakaria, Aritz Ayesa, eta Moventia taldeko kontseilari delegatua, Josep María Martí, izan dira.

Gaur kaleratu da berriro Kulturbus, hiritarroi kultura modu dinamiko eta erraz batean gerturatzeko nahiarekin.

Gaurtik hasita eta ekainaren amaiera arte Kulturbusa hartzen duten lagunek era askotako artistak topatu ahal izango dituzte, aktore, dantzari zein musikariak, gehien bat Kulturbusen eragileak ordea, autobusaren ibilbide batzuetan asteroko plan kulturalak bidaiarien artean zabalduko dituztenak.

Baluarte, Gaiarre, Barañain Auditorioa edo Uharteko Arte Garaikideko Zentroko programen barne dauden artistak ere ikusi ahal izango dira aldizka, euren ikuskizunen zertzeladak erakutsiko dituztelarik. Autobusean emango diren ekintzak udaldian eten egingo dira, urrian ekingo zaielarik berriro Eguberrietaraino luzatuz.

Iruñean heldu den maiatzaren 13an ospatuko den Bidezko Merkataritzaren Nazioarteko Eguna dela-eta, zenbait bakarrizketa eskainiko dira Iruñeko zenbait autobus-lineatan, maiatzaren 8tik 12ra bitartean.

Bakarrizketak bidezko merkataritzaren gaineko sentsibilizazioa lantzen saiatuko dira, jantzi, teknologia eta elikagaien sektoreetan.

Heldu den maiatzaren 13an, larunbatarekin, Bidezko Merkataritzako Partzuergoak antolatutako jarduera gehiago eginen dira Iruñeko Sarasate pasealekuan, 11:00etatik 20:30era.
Honako webgune honetan kontsulta daiteke ekitaldien agenda osoa: www.comerciojusto.org.

Aurreko urteetan bezala, Eskualdeko Hiri Garraioak zenbait aldaketa aplikatuko ditu San Saturnino jaieguna dela eta.
Astelehen eta astearterako, honako zerbitzu hau programatu da:

• Hilaren 28tik –astelehena– 29ra –asteartea– bitarteko gauean, jaiegunen bezperetako gaueko ordutegia aplikatuko da.
• Hilaren 29an, asteartea, larunbatetako eguneko zerbitzua aplikatuko da linea guztietan.

Manifestazioek aurrera egin ahala aldatuko dira bideak, gutxi gorabehera, 11:30etik 13:30era bitarte

TCCk aditzera ematen die Eskualdeko Hiri Garraioaren erabiltzaileei aldaketak izanen direla linea gehienen ibilbideetan eta ohiko ordutegietan heldu den maiatzaren 1ean, igandea, Iruñeko kaleetan barna eginen diren manifestazioak direla eta.