INTERES TURISTIKOKO GUNEAK

849 metroko ibilbidea da, eta bertan ibiltzen dira lasterrean zezenak eta korrikalariak uztailaren 7a eta 14a arteko goizetan. Santo Domingo kaletik abiatzen da, Udaletxe plazatik eta Mercaderes eta Estafeta kaleetatik igarotzen da, eta zezen-plazan amaitzen da.

Entzierroaren omenezko eskultura multzo hau Orreaga etorbidearen eta Karlos III. Noblearen etorbidearen arteko bidegurutzean dago. Rafael Huerta artistaren lana da.

Iruñearen erdialdean dago eta hiriko “egongelatzat” hartu ohi da. Nafarroako hiriburuko ekitaldi nagusiak bertan egiten dira.

Plaza honetan Iruñeko udaletxea dago, hiriburuko eraikin ezagunena. Uztailaren 6a iristen den bakoitzean, “txupinazoa” jaurtitzen dute hango balkoitik eta sanferminak hasten dira.

Iruñeko Alde Zaharreko txoko eder honetan begiratoki interesgarria dago hiriaren iparralderantz. Erdi Aroko itxurako eraikin batean taberna dago, eta terraza du. Udan, kontzertuak egiten dituzte.