02/05/2022

TCC PAMPLONA LANKIDETZAN ARI DA PILOTA-JAIALDI SOLIDARIOAREKIN, AEA DUTENEN BEHARRETARAKO ETA GAIXOTASUNARI BURUZKO IKERKETARAKO FUNTSAK BILTZEKO

TCC Pamplona, Iruñerriko Mankomunitateko Eskualdeko Hiri Garraioaren enpresa kontzesioduna, pilota-jaialdi solidarioarekin lankidetzan ari da. Alboko Esklerosi Amiotrofikoaren Nafarroako Elkarteari (ANELA) laguntzea du xede jaialdiak, AEA dutenen beharretarako eta gaixotasunari buruzko ikerketarako funtsak biltzeko.

Enpresak hiri-garraioaren bidez emango du jaialdiaren berri: esekigailuak jarriz, ibilgailuen barruan, eta publizitatea jarriz, kanpoan.

foto ELA

Astearteko ekitaldiko parte-hartzaileak, Orkoienen.

Mundu pilotazalearen eta Peñen Federazioaren ekimena da jaialdia, eta uztailaren 5ean izango da, 18:30ean, Iruñeko Labrit pilotalekuan. Bi pilota-partida jokatuko dira, Juan Carlos Unzuék sanfermin aurreko agurra egingo du eta Los Tenampas mariatxiak kontzertua joko du.
Pilota-partidak Ados Pilotako emakumezkoen San Fermin txapelketako finalaurrekoetako bat, profesional gisa jokatzen den lehena, eta Titín-Goñi III.a eta Bengoetxea VI.a - Armendáriz bikoteen arteko beste bat izango dira.

Enpresak irabazi-asmorik gabeko Nafarroako elkarteekin duen harremanaren barruan kokatzen da lankidetza hori, “TEAMING TCC” proiektu solidarioaren bidez. ANELA, zehazki, lankidetza horren jomuga izandako lehen elkarteetako bat izan zen, 2018an.

foto ELA2

Irudian: Juan Carlos Unzué, Carlos Elizalderekin (TCCko marketin-arduraduna) eta Juan Pedro Lecuona (ekitaldiaren koantolatzailea eta TCCko gidaria)

Komunikabideek ekitaldiaren berri eman dute:
Noticiasdenavarra.com
Navarra.com